ກອງປະຊຸມໃຫຍ່ສະມາຊິກພັກ ຄັ້ງທີVI ໜ່ວຍພັກຫ້ອງການກົມໃຫຍ່ເສນາທິການກອງທັບ
ໜ່ວຍພັກຫ້ອງການ ກົມໃຫຍ່ເສນາທິການກອງທັບ ໄດ້ເປີດກອງປະຊຸມໃຫຍ່ສະມາຊິກພັກ ຄັ້ງທີ VI
ໃນວັນທີ 19 ມີນາ 2024 ນີ້, ໜ່ວຍພັກຫ້ອງການ ກົມໃຫຍ່ເສນາທິການກອງທັບ ໄດ້ເປີດກອງປະຊຸມໃຫຍ່ສະມາຊິກພັກ ຄັ້ງທີ VI ຂຶ້ນ
ໂດຍການເຂົ້າຮ່ວມເປັນປະທານຂອງ ສະຫາຍ ພົນໂທ ຄໍາລຽງ ອຸທະໄກສອນ ກຳມະການສູນກາງພັກ ເລຂາຄະນະພັກ ຫົວໜ້າກົມໃຫຍ່ເສນາ
ທິການກອງທັບ, ມີຄະນະພັກ-ຄະນະບັນຊາຫ້ອງການເມືອງ, ຫ້ອງການບໍລິຫານ, ພ້ອມດ້ວຍສະມາຊິກພັກ ທົ່ວຫ້ອງການກົມໃຫຍ່ເສນາທິ
ການ ເຂົ້າຮ່ວມ.
ສະຫາຍ ພັນເອກ ສຸລິໄຊ ພິຈິດ ເລຂາໜ່ວຍພັກຫ້ອງການ ກົມໃຫຍ່ເສນາທິການກອງທັບ ໄດ້ຜ່ານບົດລາຍງານການເມືອງທັງສອງພາກ
ເຊິ່ງໄດ້ຍົກໃຫ້ເຫັນດ້ານດີ ແລະ ຈຸດຄົງຄ້າງ ໃນໄລຍະຜ່ານມາ: ໜ່ວຍພັກໄດ້ເອົາໃຈໃສ່ສຶກສາອົບຮົມການເມືອງ-ນໍາພາແນວຄິດ ເປັນໃຈກາງ
ໃນການເຕົ້າໂຮມຄວາມສາມັກຄີ, ໂດຍຖືເອົາການຈັດຕັ້ງດໍາເນີນຊີວິດພັກປະຈຳອາທິດ, ເດືອນ, ໄຕມາດເປັນໂອກາດສຶກສາອົບຮົມ, ພ້ອມ
ນັ້ນກໍຈັດຕັ້ງເຜີຍແຜ່ບັນດາມະຕິ, ຄໍາສັ່ງ, ເອກະສານຂອງພັກ, ກົດໝາຍຂອງລັດ, ຂໍ້ກຳນົດ, ກົດລະບຽບຂອງກອງທັບ ເຮັດໃຫ້ພາຍໃນໜ່ວຍ
ພັກມີຄວາມປອດໃສ, ເຂັ້ມແຂງ, ໜັກແໜ້ນ; ພະນັກງານ-ສະມາຊິກພັກ ມີຄວາມອຸ່ນອຽງທຸ່ນທ່ຽງຕໍ່ໜ້າທີ່ວຽກງານ, ມີຄວາມເຊື່ອໝັ້ນຕໍ່
ແນວທາງນະໂຍບາຍຂອງພັກ, ມີຄວາມສາມັກຄີເປັນເອກະພາບ, ມີຄວາມຫ້າວຫັນບຸກບືນ, ຕັ້ງໜ້າປະກອບສ່ວນເຂົ້າໃນການປັບປຸງກໍ່ສ້າງ
ໜ່ວຍພັກ ມີລະບຽບແບບແຜນດີຂຶ້ນກວ່າເກົ່າ, ເອົາໃຈໃສ່ປັບປຸງກໍ່ສ້າງພັກໃຫ້ປອດໃສ, ເຂັ້ມແຂງ, ໜັກແໜ້ນທັງ 4 ດ້ານຢ່າງແຂງແຮງຄື:
ດ້ານການເມືອງ-ແນວຄິດ, ການຈັດຕັ້ງ ແລະ ແບບແຜນນໍາພາເຮັດວຽກ, ໃນແຕ່ລະປີໄດ້ມີການກວດກາ-ຕີລາຄາ, ຈັດແບ່ງປະເພດຄຸນນະ
ພາບຂອງພະນັກງານ-ສະມາຊິກພັກຂອງໜ່ວຍພັກເປັນປົກກະຕິ, ໄດ້ຖືເປັນສໍາຄັນໃນການຍົກສູງດ້ານຄຸນທາດການເມືອງຂອງສະມາຊິກພັກ
ຢ່າງລຽນຕິດທົ່ວເຖິງ ເຮັດໃຫ້ພາຍໃນມີຄວາມສະຫງົບ, ສະມະຊິກພັກ ທຸກສະຫາຍມີແນວຄິດຈົ່ງຮັກພັກດີຕໍ່ພັກ ຕໍ່ປະເທດຊາດ, ຈໍາແນກ
ໄດ້ມິດ-ສັດຕູຢ່າງຈະແຈ້ງ ແລະ ປະຕິບັດໜ້າທີ່ການເມືອງໃຫ້ມີຜົນສໍາເລັດ. ຈາກຜົນສໍາເລັດໃນການເຄື່ອນໄຫວປະຕິບັດໜ້າທີ່ການເມືອງໃນ
ຫຼາຍດ້ານໃນຊຸມປີຜ່ານມາ ຈິ່ງເຮັດໃຫ້ໜ່ວຍພັກຫ້ອງການກົມໃຫຍ່ເສນາທິການ ໄດ້ຮັບນາມມະຍົດໜ່ວຍພັກປອດໃສ, ເຂັ້ມແຂງ, ໜັກແໜ້ນ
4 ສະໄໝຕິດຕໍ່ກັນ.
ຈາກນັ້ນ, ບັນດາສະມາຊິກພັກ ໄດ້ຜັນປ່ຽນກັນຂຶ້ນປະກອບຄໍາເຫັນໃສ່ບົດລາຍງານຢ່າງກົງໄປກົງມາ ເຮັດໃຫ້ບົດລາຍງານການເມືອງທັງ
ສອງພາກມີເນື້ຶອໃນຄົບຖ້ວນສົມບູນ ພ້ອມນັ້ນສະມາຊິກພັກກໍໄດ້ໃຊ້ສິດຂອງຕົນປ່ອນບັດຄັດເລືອກເອົາຄະນະໜ່ວຍພັກຊຸດໃໝ່, ໃນນີ້ໄດ້ເລືອກ
ເອົາ ສະຫາຍ ພັນເອກ ສຸລິໄຊ ເປັນເລຂາ, ສະຫາຍ ພັນໂທ ບຸນເກີດ ເຫຼົາທຸມມີໄຊ ເປັນຮອງເລຂາ, ສະຫາຍ ພັນໂທ ວິລະພົງ ໄຊຍະນິກອນ
ເປັນກຳມະການກວດກາ ໂອກາດນີ້, ພົນໂທ ຄຳລຽງ ອຸທະໄກສອນ ໄດ້ມີຄຳເຫັນໂອ້ລົມຕໍ່ກອງປະຊຸມ ສະຫາຍໄດ້ສະແດງຄວາມຍ້ອງຍໍຊົມເຊີຍ
ຜົນງານຕະຫຼອດໄລຍະຜ່ານມາ, ພ້ອມນີ້ໄດ້ເນັ້ນໜັກໃຫ້ສືບຕໍ່ເພີ່ມທະວີການສຶກສາອົບຮົມການເມືອງ-ແນວຄິດ ສະມາຊິກ ພັກ, ພະນັກງານ-ນັກ
ຮົບໃນທົ່ວໜ່ວຍພັກໃຫ້ແຂງແຮງ ເລິກເຊິ່ງກວ່າເກົ່າ, ເອົາໃຈໃສ່ຊີ້ນໍາ- ນໍາພາສ້າງການຫັນປ່ຽນໃໝ່ທີ່ຕັ້ງໜ້າທາງດ້ານແນວຄິດ ແລະ ການກະທຳ
ທີ່ບໍ່ຖືກຕ້ອງ, ສືບຕໍ່ເສີມຂະຫຍາຍຜົນສໍາເລັດ ໂດຍສະເພາະແມ່ນການປະຕິບັດ 3 ໜ້າທີ່ໃຈກາງຄື: ເປັນເສນາທິການທີ່ດີ, ເປັນຜູ້ບໍລິການຮັບໃຊ້
ທີ່ດີ, ເປັນຜູ້ປະສານງານທີ່ດີ ແລະ ສືບຕໍ່ປັບປຸງຍົກສູງຄຸນນະພາບ.
ແຫຼ່ງຂ່າວໂດຍ ສຸເວດ ສີດາຄໍາ
ວັນທີ 21/03/2024